PC шудон

«Игра престолов» сериаллэн потӥз 7-тӥ сезонэн, нош мон тая Mount & Blade: Warband (мод Clash of Kings) компьютерной шудонэн шудӥ.

Туж яркыт но жестокий шудон: стратегия но RPG огазеямын. Жугиськыку вир пазяське, калык черекъя, героед канжаськыса усьылэ – зэмос улонын кадь. Туж трос мелочьёс малпаса лэсьтэмын, графикаез ӟеч, сюжэтэз ӧвӧл. Мар потэ со ик кариськод, эрико дунне кадь. Яра лорд понна ожмаськыны (кылсярысь, Оберин Мартелл), яра юрттӥськыны пӧртэм бандитъёслы, яра люканы аслыд отряд: опыт ӝутскыку, каждой жугиськись кужмогес луэ, 5-6 этап всадник дорозь яке элитной пукыӵмурт дорозь. Аслад героедлы сю миллион ожтӥрлык но дӥськут бадӟым каръёсын быръыны луэ, уксё но опыт люкаське ке.

Аслад отрядэныд замокез луиз ке кутыны, выль кун кылдытӥськод (мон вал Чудья Жени Арсури кунлэн). Бускельёс собере тон вылэ ожмаськыны мынозы. Соин ик нырысь пичи но ляб кунъёс вылэ мыноно, можно Эсосэ, малы ке шуоно Вестеросын ваньзы бадӟымесь но золэсь.

Тунсыко, 1 толэзь шудыса, Вольный народ (одичалые) огазеяське, собере Ночной Дозорен но Северен ожмаське. Озьы луиз но, мон мынӥ Манс Налётчик доры но солэн вассалэз луи, нош аслам кунэ (2 кар но 10 замок) автоматически соослэн музъёмзы луиз. Куддыръя сериалысь кадръёс тодэ вайылӥсько, куке Теон Грейӝоез пленэ басьтылӥ (асме Рамси кожаса), куке Чёрный Замоке пырыса, учкисько ӝужыт йӧ борддор шоры, куке Королевская Гаваньын пумитасько Варисэз но Мизинецэз.
Таре мон тодӥсько «Игра престоловлэсь» вань каръёсты, замокъёсты но кытын соос интыяськемын. Фанатъёс понна идеальной шудон. 

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.