Ӵук ӵукна сайкаса адӟыны шунды ӝужанэз — со туж прекрасно, котькытын: мегаполис яке пичи гурт. Со дыре тон чылкыт, котыр инкуазь но чылкыт, сайкыт,чебер. Кыӵе ке огъясь ӵукна омыр.
Ӵук ӵукна султӥ, мырдэм. Чай юэм но уг на пот сыӵе вазь (5ч). Мама но соку султэ ни. Кӧняке нянь шоремъёс пакетэ понӥ но повидлоен кык пирожки мукет пакетэ.
— визнан. велик. нюлэс. тымет. шунды сиос. мурдо. нянь. ӵуж карась. тури. мурдо. трос чорыг. визнан. велик. нюлэс. писэй. нуназе сиськон —
Та схема гужэм ӵукнаосылэн, пока бадӟым классъёсы ӧй поты. Собере чорыганы акыльтӥз-а мар-а яке азьтэмски. Куддыръя потылэ, только вот аслым ачим верасько кадь, лучше суредасько инкуазьын (но туспукто). Мон мында нокин уг чорыга вал. Мон чорыгай озьы, кызьы лыдӟо кельшись книгаез, кызьы юо сюграмм бере сюграмм эшъёсын уй клубын. Табере уг ни пот. Табере мукет хоббиосы. Но так то потэ кадь, только туж уг поты. Шунды ӝужанэз учкеме но шӧдэме потэ. Но уг султӥськы сыӵе вазь просто так. Куддыръя гинэ, туж ӧжыт, всё-таки луыло сыӵе учыръёс (сюрес вылэ потыку яке быдэс уйзэ изьытэк).
Ӵукна кема изисько ке, асме тышкаськисько. Котьку вазьгес сайканы турттисько. Нуналме изьыса быдтэме уг поты огшоры. Только асме нокызьы убедитьтыны уг быгатӥськы, азьтэме трос.