ТВ ДАЧА

ТВорческой ДАЧАлы синмаськи вал ини нырысетӥ курсын дышетскыкум, 2009 арын. Соку ми проектъёс малпаськомы вал ТиМ ИЗО кафедралэн (ИИиД) параосаз.  Мар именно каримы соку, вунэтӥ ни. Тодӥсько на, ТВ ДАЧАысь художникъёсын юимы шуыса. Со инты паймымон но чебер потӥз. Ас понназ кадь улэ Ижкарлэн шораз, нюкын, аспӧртэмлыко тусовказы. Вӧзаз ошмес, Приговлы сӥземын. Коркаез — огшоры кирпичной, первой этажез вань но мансардаез. Кыкетӥ курсын нош ик кыӵе ке проектэн пыриським, котьку но факультетысь дышетӥсьёсынымы ик — соос но юо, ми но. Таяз отчы кӧлыны но кылимы. Ӝыны уйзэ шудӥм пӧртэм крезьгуро инструментъёсын. Тодӥсько ай, липет вылын кортъёслэсь тангыра выллем вал, отысь «космической» гур потэ. Уг вунэтӥськы одӥг моментэз: ныль кузя сылӥськомы вина юыса, стаканъёс ӧвӧл, ми вӧзы подстраивается Верёвкин (со художник) аслаз аракыеныз, собере ог-огмес сектаса сылӥмы: то таизэ юиськод, то соизэ))

qKkFd-IC76w - Ортчизы аръёс. Алигес, гудырикошконэ, отын ӝытъёсы концертъёс шудылӥзы 4-5 нунал, малы ке шуоно ортче вал ульча-арт фестиваль. Мон но ксюша суредамы бадӟым суред, борддорлэн ӝуждалаез ныль метргес вал. Весяк зориз.

Мон: ойдо пыриськом, тынэсьтыд чорыгъёстэ суредаломы

Ксюша: давай)

Капчи кадь ваньмыз, нош куке адӟим нырысьсэ боддормес, солэсь быдӟалазэ — шугсекытэ усим. Кызьы ми сое лэсьтом? Ноку но та выллем арбери вылын ӧм ужаллялэ вал на.

кубыз бикузин

Итак, вот мар сярысь вераны медӥсько. Алигес мон шудӥ ТВ дачаын кубызэн «Чайное дерево» крезьгуро проектын, 10-тӥ шуркынмонэ.

Нуназе бере кышномуртъёс сиён пӧраны кутскизы: рагу но кубистаен перепеч. Корка тыр нылпиос бизьыло. Роман Постников кыкетӥ этажаз футболкаос вылэ суредаське. Птица Тылобурдоысь кӧняке нылъёс вань, тоже асьсэлэн дуннеязы. Тушо художникъёс.   Собере вуиз Ксюша. Со лэсьтӥз кӧняке перепеч. Вож чай юыса, сииз кӧняке перепеч. Табере потӥз ответ та юанлы: Кытын перепеч?

кытын перепечСутӥськемынгес, зато гурысь.

P.s. Ваньзэ утчано. До такой степени утчано, что улонын кризис кулэ кутскыны. Собере со ваньмыз акыльтоз. Со — улонлэн важной люкетэз, мар бере (мыным йӧтэ) дуннеез шӧдон но астэ валан усьтӥськоз.

 

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.