Та нуналэ кутски гожъяськыны

— Ярам, Достоевский тодмо ӧвӧл атаеным, — шуи мон. — Юись луысалыз.

— Нош мар каром ми?

— Юом. Та протест. Бугыр протест.

(Эрнест Хемингуэй «Праздник, который всегда с тобой», стр.90)

Париже ветлам берам гинэ лыдӟисько та книгаез. Так ке, тодысал кытчы мыныны, мар юыны. Ярам, умой соиз, мар милемын али. Али шунды, али шулдыр, али скалъёс сиё возь турын. Али 14-тӥ инвожо. Скалъёсты возьмасько. Узы кисьмамын, пужымъёс улӥсь кӧнякезэ сии. Али ческыт…

Винаез со аръёсы Европаын  лыдъяло вал сыӵе ик пайдаё, кыӵе сиёнэз. Эшшо, шӧдыны кутскиськод вал шудбурез, шумпотонэз. Нуназеяны винатэк яке суртэк уг луы вал.

(стр. 109)ixUsiu11HpI (Тунсыко ке, Парижысь туспуктэмъёсы татын — http://vk.com/album14868474_166727317)

Париж — синмаськымон кар. Вань яратоно художникъёсы отын улэмын кадь. Нош куке тон вуиськод со интые, легенда выллем, син азьын вань лемлет малпанъёс музъеме согисько. Нырысь — шумпотон, трос шумпотон. Собере, дорад бертэмед бере, йыре лыкто малпанъёс: и мар? номырно ӧй вал кадь, просто Париж табере луиз сыӵе ик огшоры кар (без волшебства), Пенза выллем. Нош Хемингуэйлэсь книгазэ лыдӟи но, выльысь синмаськи Парижлы.

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.