Мон но крезьгур: нырысетӥ яратонэ

Ноку но уг яратӥськы вал огшоры (ваньзылы тодмо) кырӟанъёсты. Арганэн кутски шудыны 3-тӥ классысен, нош гитараен — 6-тӥ. Толик Галиханов но гитара тодматӥзы монэ рок-музыкаен: со дырысен синмаськи тодмотэм, висъяськись, улэп крезьгурен.

Америкаысь поп-панк группа Blink-182 — нырысетӥез крезьгуро яратонэ. Калленэн гитараен дышетылӥ гуръёссэс Guitar Pro программаен. Озьы шудон быгатонлыкме будэтыны кутски. Нош 8-тӥ классын мынам вал ини Linkin Park, Rammstein, Чиж но Blink-182 кассетаосы. Урокъёсме лэсьтыкум пырак ӝытъёсы кылзӥськиськи Иж-306 магнитофонмы пыр.

Carousel (альбом Buddha — 1998)

блинк

Малы именно «блинкъёс»?

Одӥг огшоры нуналэ Алнаштӥ ветлӥсько вал атайме возьмаса. Кольцевой дорын ик интыяськемын «Автодоктор» 2-этажъем юрт. Отчы пыри, кыскиз малы ке но кассетаос вузась лавка. Кема сылӥ учкыса марзы вань (соку туж дӥсьтӥсьтэм вал). «… рок-группа есть?» — юай, уг тодкы ни кыӵезэ юай, но со группа ӧй вал. Вузкарись 3-4 кассета собере возьматӥз. Огзэ пуктӥз кылзыны. Кырӟасьлэн куараез, необычный звукез мыным туж яраз, басьтӥ (25 манетэн, кадь). Нош со вал Blink-182 группалэн со дырлы берпуметӥ альбомез, кудӥз потэмын 1 ар солэсь азьло.

Озьыен, 3-тӥ курсозь-а мар-а кыстӥськиз нырысетӥ яратонэ. Али тросэс кельше ни, но предпочтениос, конечно, вань.

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.