Нуналэ сярысь 18.01

Куддыръя гожтэме потэ сыӵе нуналэ сярысь, кытын трос мар вал, толонэз например. Туннэ арнянунал — мон быдэс нунал ураме уг на потӥськы, али сиён пӧсьтӥсько, вазьынгес «Гарфилд» фильм учки.
18 толшоре Корниловен потамы Нефтемашын куасэн, куазь кезьытске вал ни. Отын нюлэс гуртамы кадь ик потӥз: огшоры куас сюрес, кызъёс, омырез сайкыт, калыкез туж ичи. Куддыръя йӧтэ вал, мон физ-ра урокын 9-тӥ классын Азамат нюлэскын шуыса.

Та толалтэ нырысьсэ куас вылын: киосы туж чаляк жадизы, мырдэм Корнилов сьӧры вутскисько. Нырысьсэ та арлы арганэн репетицияын вал, нуналэ та бордысен кутскиз. Собере, куазь югыт вал на, ми Таняен мынӥмы куное Жон-жон доры, нокуно со дорын ӧй вал, кемалась инь малпанъёсы кылдылӥзы со доры вуыны. Таня пӧртэм дӥсь но арбериос вуре но пужъятэ, со шоры учкыса мынам но ужан мылкыды потэ кадь, даже вуриськыны. Ми ваим Жон-жонлы шекра но паспорт вылэ удмурт пужыё чехол. Веръямы Пу Ӧр.

Огез дышетӥсь доры — мукетыз доры. Ксюша дорын ини какао юиськом, общежитиын. Со азьын Таня сюдӥз монэ кубыста шыдэн, кудзэ нош ик сиимы на  кошкон азям, сыӵе ик шыд сии квартираям куасэн потом азям. Собере малпамы Ксюшаен ветлыны Хоббитэ, уйин. Нош 23часын общежитиысь потыса, Сакурае пырим, фильм берлогес кутскоз на шуыса. Валамон ини дыр мае отын сиимы, роллы. Куддыръя со ческыт, но кубиста шыдэн не сравнить.

Мед луоз таиз гожъяме попсовой, суредъёстэк но фотоостэк, мед кылёз со аслым, ато памяте мынам уродгес: азьло ортчемез чаляк вунэ. Озьыен, 18 толшор — кубыста нунал, ӟечкыласьком)

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.