Кыӵе инбам!

20:02

Бертӥсько поездэн Азаматэ (гудырикошкон толэзе вал кадь).

(как обычно, крезьгуре наушникам шудэ)

IMG_9752 Инбам! Кыӵе со али! Инбам но, му но пишто горд буёлэн. Сыӵе чебер ноку но ӧй на адӟы кадь инкуазез. Матысь писпуос сьӧд адско, сокем пеймыт ӧвӧл ай ке но.

Инвис! Кыӵе со шонер! Инвис кыдёкын, нюлэсъёс лыз пыр пишто кадь. Нош пилемо инбам мукет палаз сыӵе ик лыз, но кезьытгес адске. Кыӵе инбам! Тыл но сокем яркыт уг пишты. Урамын эшшо зор шапыкъёс пичияк усё. Инвис вылын ик пилемъёс фигуркаослы кельшо, будь-то полкаын сыло.

Сётэм ведь Инмар сыӵе чеберез Алнаш палъёсам.

Али мынам остановкае луоз, потоно.

20:08

IMG_9753 Таӵе суред адӟи ини гуртам вуыкум: мотикен урам кузя васькиз кин ке, акшан пеймытын пиштытса.

Дорам вуи но, чаляк гинэ сиськи. Собере йыре кылем картинкаосты таӵе кык суредэ пӧрмытӥ. Тодэ лыктӥзы яратоно эшъёсы-импрессионистъёсы: Монэ, Ренуар, Берта Моризо. Монэ котьку  соос бурдъяло вал вӧё буёлэн суредаськыны. Ужъёссы котьку паймыто, бордазы кыско. Угось импрессионистъёс бордысь кутскиз авангард, вань туала искусство.

Умой, куке шуак Кин ке йырад шукке но, тае кар шуэ))

Добавить комментарий

Ваш e-mail не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.