— Кытчы вуид?
— Пуро гуртэ.
— Ма карыны?
— Мунчо пыри, нылэскы ветлӥ, Галикоен тодматски — верай но кошки инвизь ӧръя. Малпаськоно кадь, адямиез дышетоно-а ӧвӧл-а, шуом, суредаськыны но рассказъёс гожъяны? Нылъёс творческой ӧръя мынны кутско ке, куддыръя йӧтэ, дунне куашка шуыса. Наверное, мынам дуннее куашка. Дунне точно уз куашка.
— Кӧня тыныд арес? — юа мынэсьтым Галико.
— Нош кӧня сётод?
— 23, 24?
— 22 арес — верай но мынясько)
Вуо ай Пурое, тулыс. Марайколы нош ик жингырто но курисько мунчое пырыны, куке Ижкарын акыльтоз, куке выль мае ке потоз. Выль интые кожо, Катико доры, кылсярысь. Пуксё небыт диван вылэ, но вераськом. Выжзы кезьыт луиз ке, носки дӥсятозы. Шумпото.
Сюрес кузя дугдылытэк потэ вал ветлэме.
Озьы уз пӧрмы, точно.
Пыдъёсыным вамышъёса, киосыным шонаськыса гинэ
Уз пӧрмы, точно.
Кайфуй, куазь куамынлэсь кезьыт.
Соку уз пӧрмы улыны шыпыт.
Лымы музъем луоз чурыт,
Ӝыныё ворсаськемын ымныр.
Бакча сьӧрын адске нюлэс,
Отчы пыдъёс вамышъяло.
Лымы ӧвӧл ни, серемес,
Небыт гуждор вылэ выдо.
(Чудья Жени но бузиналэсь боды)